काठमाडौं । प्रधानमन्त्री सुशीला कार्की र भारतीय प्रधानमन्त्री नरेन्द्र मोदीबीच वार्ता भएको छ । सिंहदरबारस्थित प्रधानमन्त्री तथा मन्त्रिपरिषद्को कार्यालयबाट प्रधानमन्त्री कार्कीले भारतीय समकक्षीसँग कुराकानी गरेको परराष्ट्र मन्त्रालयले जनाएको छ ।
वार्तापछि सामाजिक सञ्जाल एक्समा लेख्दै मोदीले नेपालको अन्तरिम सरकारका प्रधानमन्त्री सुशीला कार्कीसँग न्यानो कुराकानी भएको बताए । वार्तामा मोदीले नेपाल सरकारलाई भारतको बलियो समर्थन रहेको उल्लेख गरे।
उनले लेखे, ‘हालै भएको दुःखद मृत्युप्रति हार्दिक समवेदना व्यक्त गर्दै शान्ति र स्थिरता पुनर्स्थापित गर्ने उनको प्रयासप्रति भारतको दृढ समर्थनलाई पुनः पुष्टि गरें।’
प्रतिक्रिया