काठमाडौं । बिराटनगर किंग्सले स्कटल्याण्डका धमाकेदार ओपनिङ ब्याट्सम्यान जर्ज मुनसीलाई आगामी नेपाल प्रिमियर लिगका लागि टोलीमा अनुबन्ध गरेको छ ।
शनिबार गरिएको यो घोषणा यस सिजनको सबैभन्दा रोमाञ्चक साइनिङमध्ये एक मानिएको छ । आक्रामक ब्याटिङ र आफ्नो प्रसिद्ध “रिभर्स स्वीप” शटको कारण चर्चितमुनसीले किंग्सको शीर्षक्रममा पावर, अनुभव र आकर्षण थप्ने अपेक्षा गरिएको छ ।
३२ वर्षका बाँयाहाते ब्याट्सम्यान मुनसी स्कटल्याण्डको टी-२० टोलीका मुख्यखेलाडी हुन् । यस फर्म्याटमा उनले २,६०० भन्दा बढी रन बनाइसकेका छन् । उनले दुबई क्यापिटल्स, कराची किंग्स, चेन्नई ब्रेभ्स, ब्र्याम्पटन वुल्भ्स रसिल्हट स्ट्राइकर्स जस्ता प्रमुख फ्रेन्चाइज टोलीका लागि पनि खेलेका छन्, जसले उनलाई विश्व क्रिकेटका उत्कृष्ट एसोसिएट ब्याट्सम्यानमध्ये एक बनाएको छ ।
गल्फ खेलबाट सुरु गरेर स्कटल्याण्डकै विष्फोटक ओपनिंग ब्याट्सम्यानबन्नेसम्मको उनको क्रिकेट यात्रा मेहनत र खेलप्रतिको प्रेमको उत्कृष्टउदाहरण हो । सन् २०२२ को टी-२० विश्वकपमा उनले वेस्ट इन्डिजविरुद्ध स्कटल्याण्डलाई शानदार जित दिलाएर ठूलो मञ्चमा आफ्नो क्षमता देखाएका थिए । मुनसी नेपाली क्रिकेटका लागि नयाँ नाम भने होइनन् । उनले यसअघि पनि नेपालमा घरेलु फ्रेन्चाइज लिग खेलेका थिए जहाँ उनको आक्रामक खेल र छिटो रन बनाउने क्षमताले उनलाई दर्शकको फेवरेटबनाएको थियो ।
अब उनी पुनः एनपीएलका लागि नेपाल फर्कंदैछन् जसले बिराटनगर किंग्सका लागि अन्तर्राष्ट्रिय अनुभव मात्र होइन, नेपाली मैदान र अवस्थाको राम्रो समझ पनि ल्याउनेछ ।
“किंग्स परिवार” मा स्वागत गर्दै फ्रेन्चाइजले मुनसीको दृढ मानसिकता रअन्तर्राष्ट्रिय अनुभवले टोलीको ब्याटिङ लाइनअपमा नयाँ धार ल्याउनेविश्वास व्यक्त गरेको छ । उनको अनुबन्धले बिराटनगर किंग्सको शीर्षक्रम अझ मजबुत बनाएको छ र आगामी प्रतिस्पर्धात्मक एनपीएल २०२५ सिजनका लागि टोलीको लक्ष्य र आत्मविश्वास दुवै बढाएको छ ।
प्रतिक्रिया