कैलाश कार्कीद्धारा निर्देशित नेपालको पहिलो इम्प्रभ कमेडी कार्यक्रम ‘द फन टूस शो’ सुरु

काठमाडौं । कमेडियन कैलाश कार्कीले नयाँ कमेडी कार्यक्रम ‘फन टूस शो’ (The Fun2ss Show) ल्याएका छन् । उनको यो शो इम्प्रभ कमेडी विधामा आधारित रहेको छ ।

एम्प्रभ कमेडी नेपालका लागि नौलो हो । ‘अनस्क्रिप्टडेट’ प्रस्तुती यो शोको प्रमुख विशेषता हो । नेपालमा नयाँ विधाको कमेडी परिचित गराउने उद्देश्यले उक्त शो ल्याएको शोका निर्देशक कैलाशको दाबी छ ।

उनले भने, ‘मेरो उद्देश्य नै दर्शकलाई नयाँ विधाको कमेडीबारे जानकार गराउनु हो । हाँस्य कलाकार भएकाले यो मेरो जिम्मेवारी पनि हो ।’

यो कार्यक्रमको पहिलो एपिसोड शनिबार साँझ सार्वजनिक भएको छ । हिल्स एण्ड होराइजन फिल्म्स प्रा‍.लि‍को प्रस्तुतीमा बनेको यो शो हरेक शनिबार युट्युब च्यानल ओएसआर रियालिटीबाट कार्यक्रम सार्वजनिक हुने उनले जनाए ।

अर्का केमिडियन सन्तोष थापा यो कार्यक्रममा प्रस्तोताको भूमिकामा रहेका छन् ।

कार्यक्रममा आशिष न्यौपाने, रजनीश अर्याल, सतीश कार्की, जय खतिवडा, श्रिया सुवेदी र आस्था तिमिल्सिना प्रतिस्पर्धीका रूपमा सहभागी छन्। उनीहरूले विभिन्न चरणमा फरक–फरक इम्प्रभ गेमहरू खेलेर प्रतिस्पर्धा गर्नेछन्।

यो शोलाई तीन सिल्भर, गोलड र डाइमन्ड गरी तीन राउन्ड विभिाजन गरिएको छ । प्रत्येक राउन्डमा ६ एपिसोड रहने, एलिमिनेसन तथा वाइल्डकार्ड प्रणाली लागु हुने निर्देशक कार्कीले बताए ।

२० औं एपिसोडको एक जनालाई विजेता घोषणा गरिनेछ। विजेतालाई नगद र विभिन्न पुरस्कार जित्नेछन् ।