Logo

समाचार

नेकपाले थाल्यो टिकट बाँड्न



विराटनगर । नेपाली कम्युनिस्ट पार्टी (नेकपा)ले भोजपुरका लागि पार्टी नेता अजम्बर काङमाङ राईलाई टिकट दिएको छ ।

पार्टीका संयोजक पुष्पकमल दाहाल (प्रचण्ड) ले आफूलाई टिकट दिएको भन्दै काङमाङ राईले सामाजिक सञ्जाल फेसबुकमा भिडियो पोस्ट गरेका छन् ।

‘कमरेड प्रचण्डको हातबाट भोजपुरको प्रतिनिधि सभाको सदस्य पदका लागि नेपाली कम्युनिस्ट पार्टीको तर्फबाट टिकट पाइयो,’ उनले लेखेका छन्, ‘क. प्रचण्डबाट निर्वाचन सफलताको शुभकामना र भावी राजनीतिक मार्गचित्रकाबारे सुस्पष्ट शुभकामना पनि ग्रहण गरियो । सम्पूर्ण परिवर्तनकामी आदरणीय भोजपुरे जनतालाई चुनाव चिह्न ‘तारा’मा मतदान गरी विजयी गराइदिनुहुन विनम्र अनुरोध गर्दछु ।’

यसअघि भोजपुरबाट तत्कालीन माओवादीका तर्फबाट सुदन किराँतीले टिकट पाएर विजयी भएका थिए । उनी हाल प्रगतिशील लोकतान्त्रिक पार्टीमा आबद्ध छन् ।

सोही जिल्लाबाट नेकपा एमालेले पार्टीका सचिव शेरधन राईको एकल नाम सिफारिस गरेको छ । कांग्रेसले उम्मेदवारको टुङ्गो लगाएको छैन भने नेकपा (माओवादी)ले दिपेश राई तथा हर्क साम्पाङको श्रम संस्कृति पार्टीबाट ध्रुव राईले टिकट पाउने सम्भावना छ ।

प्रकाशित मिति : २ माघ २०८२, शुक्रबार १९:०६   :  बजे

63
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।