Logo

समाचार

भीमफेदीको जुरिखेतमा कार दुर्घटना, ३ जना घाइते



हेटौंडा । मकवानपुरको जुरिखेतमा कार दुर्घटना हुँदा तीन जना घाइते भएका छन् ।

हेटौंडाबाट काठमाडौंतर्फ जाँदै गरेको बागमती प्रदेश ०१–०२६ च ३८९० नम्बरको कार भीमफेदी गाउँपालिका-६ जुरिखेतस्थित भीमफेदी–कुलेखानी– काठमाडौं सडकखण्डमा अनियन्त्रित भई सडकबाट करिब ३० मिटर तल खसेको थियो ।

जिल्ला प्रहरी कार्यालय मकवानपुरका अनुसार घाइतेहरूलाई इलाका प्रहरी कार्यालय भीमफेदीबाट प्रहरी निरीक्षक सन्त मार श्रेष्ठको टोलीले उद्धार गरेर उपचारका लागि पठाएको थियो । उनीहरूको भीमफेदी अस्पतालमा उपचार भइरहेको छ ।

दुर्घटनास्थल इलाका प्रहरी कार्यालय भीमफेदीबाट करिब ४ किलोमिटर पूर्व–उत्तरमा पर्छ ।

प्रकाशित मिति : २ माघ २०८२, शुक्रबार २०:३८   :  बजे

21
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।