काठमाडौं । ताप्लेजुङको आठराई त्रिवेणी गाउँपालिकाले आइतबार बिदा नदिने भएको छ ।
सरकारले चैत २३ गतेबाट लागू हुनेगरी हप्तामा दुई दिन बिदा दिने निर्णय गरे पनि पालिकाले त्यो निर्णय कार्यान्वयन नगर्ने भएको हो ।
पालिकाका अधिकांश कर्मचारी कार्यालय आसपास नै बस्ने गरेको र भौगोलिक विकटताका कारण उक्त थप भएको कार्यालय समयभित्र सेवाग्राहीहरूसमेत कार्यालयसम्म पुग्न असमर्थ हुने देखिएकाले निर्णय कार्यान्वयन नहुने जनाएको हो ।
पालिकाले सूचना जारी गर्दै सबै सरकार कार्यालयहरूमा आइतबारदेखि शुक्रवारसम्म सञ्चालन हुने गरी वैशाख १ गतेदेखि कात्तिक १५ गतेसम्म बिहान १० देखि अपराह्न ५ बजे र कात्तिक १६ गतेदेखि माघ १५ सम्म १० देखि अपराह्न ४ बजेसम्म सञ्चालन हुने जनाएको छ ।
प्रतिक्रिया