काठमाडौं । जिल्ला प्रशासन कार्यालय कैलालीले राष्ट्रिय परिचयपत्र बनाउन सेवाग्राहीको बढ्दो चापलाई मध्यनजर गर्दै सार्वजनिक बिदाका दिन पनि सेवा सञ्चालन गर्ने भएको छ।
प्रशासनका अनुसार चालु आर्थिक वर्षको सुरुआतदेखि नै सेवाग्राहीको संख्या उल्लेख्य रूपमा बढेकाले शनिबार र आइतबार समेत बिहान १० बजेदेखि साँझ ५ बजेसम्म राष्ट्रिय परिचयपत्रसम्बन्धी सेवा उपलब्ध गराइनेछ।
यस्तै, धनगढी उपमहानगरपालिका–६, कैलारी गाउँपालिका–७ र गोदावरी नगरपालिका–८ का वडा कार्यालयमार्फत विवरण दर्ता गराएका सेवाग्राहीलाई तयार भइसकेका राष्ट्रिय परिचयपत्र सम्बन्धित कार्यालयबाट बुझिलिन आग्रह गरिएको छ।
गत आर्थिक वर्षमा मात्रै जिल्ला प्रशासन कार्यालय कैलालीमा ७९ हजार ५६१ जनाले राष्ट्रिय परिचयपत्रका लागि विवरण दर्ता गराएका थिए।
प्रतिक्रिया