काठमाडौं । तनहुँको व्यास नगरपालिका–१२ छिर्कनेस्थित पृथ्वी राजमार्गमा शुक्रबार काठमाडौंबाट पोखरातर्फ जाँदै गरेको माइक्रोबस दुर्घटना हुँदा आठ जना घाइते भएका छन्।
गण्डकी प्रदेश ०१–००१ ख ०१७१ नम्बरको माइक्रोबस सडकको डिभाइडरमा ठोक्किएर दुर्घटनामा परेको जिल्ला प्रहरी कार्यालय तनहुँले जनाएको छ।
चालकसहित १२ जना सवार रहेको माइक्रोबसमा चार जना सकुशल रहेका छन्। घाइतेहरूको डुम्रेस्थित लक्ष्मी अस्पताल र प्रदेश अस्पताल दमौलीमा उपचार भइरहेको जिल्ला प्रहरी कार्यालय तनहुँका प्रहरी नायब उपरीक्षक द्वारिकाप्रसाद घिमिरेले जानकारी दिएका छन्।
प्रतिक्रिया