काठमाडाैं । सामसङ नेपाल र एनसेलले एनसेलका ग्राहकका लागि छानिएका टिभी, रेफ्रिजरेटर र वासिङ मेसिनमा विशेष दशैं अफर ल्याएका छन्। सामसङको चलिरहेको चाडपर्व अफरसँगै थप छुट जोडेर योग्य मोडेलमा कुल ३१ प्रतिशतसम्म लाभ लिन सकिने कम्पनीहरूले जनाएका छन्।
सहकार्यअन्तर्गत एनसेल ग्राहकले सामसङको विद्यमान चाडपर्व अफरमा थप १२ प्रतिशतसम्म छुट पाउनेछन्। यो सुविधा सबै उत्पादन र ग्राहकमा समान रूपमा लागू हुने भने होइन। ग्राहकको एनसेल प्याकमा भएको खर्च तथा अफरमा समावेश उत्पादनका आधारमा छुट फरक हुनेछ।
अफर प्राप्त गर्न ग्राहकले एनसेल एपको ‘पार्टनर्ड सर्भिसेस’ खण्डमा गएर आफूलाई उपलब्ध छुट हेर्न सक्नेछन्। त्यहाँ देखिने अफरअनुसार ग्राहकले कोड प्राप्त गरी सहभागी सामसङ आधिकारिक डिलरबाट सम्बन्धित सामान खरिद गर्नुपर्नेछ।
कम्पनीका अनुसार प्रत्येक ग्राहकलाई आफ्नो प्याक खर्चका आधारमा लागू हुने उत्पादनमा छुटसहितको छुट्टै अफर उपलब्ध गराइनेछ। त्यसैले खरिदअघि एपमा देखिएको अफर, सम्बन्धित मोडेल र छुटको विवरण जाँच गर्न सकिनेछ।
सामसङको ‘स्मार्ट अपग्रेड घरमा, लक्की सरप्राइज चाडमा’ अभियानसँग जोडिएको यो सहकार्यले चाडपर्वमा घरायसी उपकरण खरिद गर्ने एनसेल ग्राहकलाई अतिरिक्त सुविधा दिने उद्देश्य राखेको छ। यसमा छानिएका टिभी, फ्रिज र वासिङ मेसिन मात्र समावेश छन्।अफर अक्टोबर ८ देखि नोभेम्बर १६, २०२६ सम्म लागू हुनेछ। अफरमा कम्पनीका सर्त तथा नियम लागू हुने जनाइएको छ।
प्रतिक्रिया