ला लिगा: भ्यालेन्सियामाथि एट्लेटिको म्याड्रिडको जित

स्पेनिस ला लिगामा एट्लेटिको म्याड्रिडले आफ्नो अपराजित यात्रालाई कायमै राख्दा भ्यालेन्सियामाथि १–० को  जित दर्ता गरेकोछ  ।

निर्धारित ९० मिनेटको खेल सकिन ११ मिनेट बाँकी रहँदा टोनी लाटोले गरेको एक मात्र गोल नै एट्लेटिकोको जितमा निर्णायक रह्यो ।

जितपछि एट्लेटिकोले ९ खेलबाट २३ अंक जोड्दै शीर्षस्थानमा रहेको रियल सोसिडाडसँग अंक बराबरी गरेको छ । तर, गोल अन्तरमा एट्लेटिको दोस्रो स्थानमा रहेको छ । सोसिडाडले एक खेल बढी खेलेको छ । भ्यालेन्सिया १२ अंक जोडेर ११औं स्थानमा छ ।