१
क्रोधपुर्ण बतास चल्छ हजुर ।
कन्चटमा आगो बल्छ हजुर ।
शत्रुले सिमाना मिच्या देख्दा,
सपनाको पहाड ढल्छ हजुर।
अरुलाइ पोल्छ-पोल्दैन खोइ,
मेरो त यो छाती जल्छ हजुर।
यो मातृभुमिमा अरुकै रजाइ,
सम्झदै हातखुट्टा गल्छ हजुर।
साथ दिने त बरु पराइ हुन्छ्न,
छिमेकीलेनै यहाँ छल्छ हजुर।
२
बाहिर मौसम हुरि र झरि छ !
मनभित्र कुरा अनेक थरि छ !
प्रश्न सोधि सताइरहेछ मनले
मौन छु, पानी आँखाभरि छ !
सामर्थ्य छैन बोल्न शब्दहरु
पिडा बोलिदिन त्यही चरि छ !
छोडि जाने मान्छेले नलिइ गए
र त ती,यादहरु यतै वरिपरि छ !
प्रतिक्रिया