मेगा बैंकको मनपरी– सीईओको सेटिङले बैंक डुब्ने खतरा

अनलाइनपाना

१५ पुष २०७७, बुधबार ०८:५२

बैंक तथा वित्तीय संस्थाहरु भनेका पारदर्शी संस्थाहरुमा गनिन्छन् । अझ नेपाल राष्ट्र बैंकले नियमन तथा सुपरीवेक्षण गर्ने भएकाले पनि बैंकहरुलाई सुरक्षित मानिन्छ । तर एउटा यस्तो बैंक, जसको मनपरी सुनिनसक्नुको छ ।

तपाईले सामान्य अर्थमा बुझ्नुस तपाईलाई जग्गा किन्नका लागि ऋण चाहिँयो बैंकले कति देला ? बैंकले तपाईको लिन चाहेको जग्गाको मूल्यांकन गर्छ र त्यसको ४० प्रतिशत बैंकले ऋण दिन्छ । बाँकी सबै रकम तपाई आफैले जुटाउनु पर्ने हुन्छ । अर्थात ल्याण्ड पर्चेज ऋण तपाईले ४० प्रतिशतमात्रै पाउनु हुन्छ ।

अन्य शिर्षकमा दिने कर्जाहरुमा पनि त्यस्तै हुन् । धितो जति छ त्यसको केहि प्रतिशत बैंकहरुले जोखिम मूल्यांकन गरेर लगानी गर्छन । जति धितो छ त त्यो भन्दा धेरै भने बैंकले लगानी नै गर्दैनन् । तर पहिलो महिला सीईओ भएको भन्दै प्रचारमा रमाएको मेगा बैंकले ऐन नियमको खिल्ली उडाएर निकै मनपरी गरेको छ ।

मेगा बैंकले ६० लाख रुपैयाँको मात्रै सम्पत्ति भएको एक कम्पनी धितोमा राखेर बैंकले ८ करोड रुपैयाँ लगानी गरेको पाइएको छ । बैंककी सीईओ अनुपमा खुञ्जेली र उच्च तहका केहि कर्मचारी मिलेर सेटिङमा २० लाख ऋण पाउन पनि नसक्ने कम्पनीलाई करोडौं ऋण लगानी गरिएको श्रोतको दावी छ ।

श्रोतका अनुसार सीईओकै सेटिङमा करोडौ ऋण लिन सफल ति व्यक्ति अहिले प्रहरीको फरार सूचीमा रहेकी छिन् । हामीले यस सम्बन्धी सम्पूर्ण प्रमाणहरु समेत फेला पारेका छौं । अपरादर्शीता र मनपरीका विरुद्ध हामी नियमित सत्यतथ्य समाचार सम्प्रेषण गर्दै जानेछौं ।

हेर्नुस् केहि प्रमाणहरु :