सडकमा अलपत्र जनावरको हेरचाह गर्दै युवा समूह

विश्वव्यापी स्वास्थ महामारीको प्रभाव नियन्त्रणका लागि गरिएको लकडाउनको ४१ औं दिन पुग्दा मानिससँगै मानव आश्रीत कुकुर लगायतका जनावर पनि प्रभावित बनेका छन् ।

यस्तोमा जनावरहरूको हेरचाहमा बुढानिलकण्ठ नगरपालिका वडा नम्बर १० र १२ का युवाहरू सामाजिक अभियानमा जुटेका छन् । दिपेश भण्डारी नेतृत्वको सडकमा कुकुरहरूलाई खाना दिने अभियानमा जुटेका हुन् ।

स्थानीय युवाहरूको सक्रियतामा सामुहिक रूपमा रकम संकलन गरेर खानाको व्यवस्था गरिएको हो । यो अभियानमा राहुल लुइँटेल, सुदिप लुइँटेल, नवीन रिमाल, सौरभ अधिकारी, अनिल कार्की किरण थापा मगर, साहिल गौतम, नयन रिमाल सहित अनुज लुइँटेल सहितका युवाहरू सक्रियता पूर्वक लागेका छन् ।