कविताः किन यस्तो हुन्छ यहाँ ?

म हेर्छु अनि रमाउछु,
लामो साँस फेर्दै आनन्द लिन्छु,
कति विशाल हृदय भएको
मेरो शिर माथि निलो आकाश छ,
आकाशले छल गरेको
मैले कहिले देखेको छैन ।
आकाश मुनि,
आफै बाटो बनाएर बगेका
नदिहरुले,
ईमान छाडेको मैले
कहिले देखेको छैन,
तर पनि किन
अभिशप्त छ मान्छे,
किन बिशक्त छ मन रु
मैले कहिले बसन्तले
धर्म छाडेको देखेको छैन ।
हावाले बिष पोखेको
देखेको छैन ।
माहुरिले अल्छी गरेको
देखेको छैन
कमिलाको सहकार्य
उनको एकतामा
कहिले खुट्टा तानेको
देखेको छैन ।