प्रिमियर इन्स्योरेन्सको स्वामित्वमा रहेको नागरिक लगानी कोषको शेयर बिक्रि खुल्ला

प्रिमियर इन्स्योरेन्स कम्पनी लिमिटेडले आफ्नो स्वामित्वमा रहेको नागरिक लगानी कोषको लिलामी मार्फत बिक्री गर्न लागेको संस्थापक समूहको शेयर आज बिक्रि खुल्ला गरेको छ ।
कम्पनीले कोषको संस्थापक समूहको ५० हजार कित्ता शेयर बिक्री खुल्ला गरेको हो । शेयरको न्यूनतम मूल्य प्रतिशेयर २३ सय रुपैयाँ तोकिएको छ । लगानीकर्ताले सो वा सो भन्दा बढी मूल्य अंकित गरी बोलपत्र पेश गर्नुपर्नेछ ।
इच्छुक बैंक तथा वित्तीय संस्था र बीमा कम्पनीहरुले न्यूनतम सय कित्ता र १० ले भाग जाने गरी अधिकतम सम्पूर्ण कित्ताका लागि बोलपत्र पेश गर्न सक्नेछन् । बोलपत्र भदौ १५ गतेसम्म पेश गर्न सकिने छ ।
कम्पनीको निष्कासन तथा बिक्री नबिल इन्भेष्टमेन्ट बैंकिङ्ग लिमिटेडले गरेको छ ।