महालक्ष्मी लाईफ इन्स्योरेन्सले एक समारोहका विच ‘महालक्ष्मी बाल बचत बीमा योजना’ सार्वजनिक गरेको छ । यस योजना अन्तर्गत बच्चा जन्मेको १ महिना देखि बच्चा १८ वर्ष नपुगुञ्जेल सहभागि हुन सकिन्छ भने बीमा अवधिको छनोट बच्चा १८ वर्ष पुगे पछि ३५ वर्ष नपुग्दा सम्मको अवधि राखि ५ देखि २५ वर्षका लागि गर्न सकिन्छ ।
साथै बच्चा बालिग भैसके पछि बीमालेखको अख्तियार पुर्ण रुपमा हस्तान्तरण हुनेछ । यस बीमा योजनामा बचत, बचतमा प्रतिफल र बच्चाको जोखिम बहनको सुविधा समेत रहेको छ ।
यस योजना अन्तर्गत बीमा अवधि समाप्तिमा बच्चाको भविश्य निर्माणको लागि बीमाङ्क रकम र आर्जित बोनस रकम प्रदान गरिनेछ । कुनै कारणवस बीमा चालु अवस्थामा बीमितको मृत्यू भएमा तत्कालै २५ प्रतिशत बीमाङ्क रकम भुक्तानी दिइने र बाँकी ७५ प्रतिशत बीमाङ्क रकम, आर्जित बोनस र ब्याज बीमा अवधि समाप्तिमा प्रदान गरिने गरी थप सुविधा यस योजनामा समावेश गरिएको छ ।
बीमा कम्पनीका अध्यक्ष मनोरञ्जन रमण शर्माले बीमा योजना विक्रि वितरणको लागि सुभारम्भ गरेका हुन् ।
प्रतिक्रिया