प्रभु बैंकले सार्वजनिक गरेको अपरिष्कृत वित्तीय विवरण अनुसार गत आर्थिक वर्षको चौथो त्रैमाससम्म आइपुग्दा खुद नाफा ६८.४५ प्रतिशतले बढेर दुई अर्ब एक करोड १६ लाख ५३ हजार रुपियाँमा पुगेको छ ।
बैंकले अघिल्लो वर्ष यसै अवधिमा एक अर्ब १९ करोड ४२ लाख दुई हजार रुपियाँ खुद नाफा कमाएको थियो । यस बैंकले इम्पेयरमेन्ट चार्ज रिभर्स गरेकाले नाफामा आकर्षक वृद्धि गर्न सफल भएको हो । यस अवधिसम्म आउदा बैंकको खुद ब्याज आम्दानी र सञ्चालन नाफा पनि बढेको छ । जस्ले नाफालाई बृद्धि गर्न टेवा पुर्याएको छ ।
असार मसान्तसम्म आइपुग्दा प्रभु बैंकले तीन करोड ९६ लाख ६७ हजार रुपियाँ इम्पेयरमेन्ट चार्ज रिभर्स गरेको छ । अघिल्लो वर्ष यसले ५३ करोड ६६ लाख ५८ हजार रुपियाँ इम्पेयरमेन्ट चार्ज रिभर्स गरेको थियो ।
समीक्षा अवधिसम्म बैंकको खुद ब्याज आम्दानी र सञ्चालन नाफा पनि ११.०८ प्रतिशत र ६४.१३ प्रतिशतले बढेर अर्ब दुई करोड २१ लाख ९७ हजार रुपियाँ र दुई ९६ करोड ३२ लाख १५ हजार रुपियाँ पुर्याउन सफल भएको छ ।
हाल बैंकको चुक्ता पुँजी ११ अर्ब ३४ करोड रुपियाँ छ भने जगेडा कोषमा चार अर्ब ४५ करोड रुपियाँ छ । असार मसान्तसम्म बैंकले एक खर्ब ६४ अर्ब ८३ करोड रुपियाँ निक्षेप संकलन गरेर एक खर्ब ३५ अर्ब १७ करोड रुपियाँ कर्जा लगानी गरेको छ ।
प्रतिक्रिया