काठमाडौं । नेपाली कांग्रेसले नीति अधिवेशन नगर्ने भएको छ । त्यसको साटो महासमिति बैठक गर्ने निर्णय केन्द्रीय कार्यसमिति बैठकले गरेको छ ।
पार्टी कार्यालय, सानेपामा एक हप्ता बसेको केन्द्रीय समिति बैठकले नीति अधिवेशनमार्फत गर्ने भनिएको काम गर्ने गरी मंसिर ११, १२ र १३ महासमिति बैठक गर्ने निर्णय गरेको हो ।
मंसिर २०७८ मा भएको कांग्रेसको १४ औं महाधिवेशनले नीति अधिवेशन गर्ने निर्णय गरेको थियो, तर विधानमा नीति अधिवेशनसम्बन्धी व्यवस्था छैन ।
महासमिति बैठक गर्न समेत ढिला भइसकेकाले नीति अधिवेशनमार्फत गर्ने भनिएको काम गर्ने गरी महासमिति बैठक गर्ने बोलाइएको हो ।




















प्रतिक्रिया