Logo

राजनीति

गोरखा-२ (क)का कांग्रेस सभापति गुरुङ कारागार चलान



काठमाडौं । गोरखाको क्षेत्र नम्बर २ को (क) प्रदेशका सभापति नारायण भनिने दीर्गमान गुरुङ कारागार चलान भएका छन् ।

सरकारी दस्तखत किर्ते कुसरमा उनलाई कैद सजाएको लागि काठमाडौँको डिल्लीबजार कारागार पठाइएको छ । गुरुङलाई काठमाडौंको सोह्रखुट्टे प्रहरीले पक्राउ गरेको थियो ।

साविकको आँपपिपल गाउँ विकास समिति वडा नम्बर २ (हाल पालुङटार नगरपालिका ३) निवासी गुरुङलाई अदालतमा पेश गराई कारबाहीको लागि कारागार पठाइएको जनाइएको छ ।

२०६१ जेष्ठ १८ गते अदालतले एक वर्षका लागि कैद सजाय सुनाएको थियो । पक्राउ परेका गुरुङ काठमाडौँ महानगरपालिका वडा नम्बर २६ नयाँ बसपार्कमा रहेको गोरखा लिगलिग होटल, पोखराको होटल गोवा र पालुङटारको लिगलिग रिसोर्टका सञ्चालकसमेत हुन् ।

नेपाली कांग्रेस गोरखाका सभापति नन्दप्रसाद न्यौपानेले गुरुङलाई निलम्बन गरिने बताए । ‘पार्टीको विधानमा भएको व्यवस्था अनुसार उहाँलाई निलम्बन गरिन्छ, आजै केही समयपछि विज्ञप्ती आउँछ ’ सभापति न्यौपानेले बताए ।

प्रकाशित मिति : ११ श्रावण २०८०, बिहीबार १३:२७   :  बजे

381
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।