धनकुटा । धनकुटामा गएराती माइक्रो बस दुर्घटना भएको छ ।
काठमाण्डौबाट संखुवासभा तर्फ जाँदै गरेको बा ५ ख ७२४ नं काे माइक्रो बस राति २:१५ बजे तिर धनकुटा नगरपालिका ९ मुलघाट-रुद्रवारीमा दुर्घटना भएको प्रहरीले जनाएको छ ।
दुर्घटनामा परी १९ जना घाइते भएका छन् । उनीहरु सबैको उद्दार गरी ९ जनालाई उपचारका लागि विपी कोइराला स्वास्थ्य विज्ञान प्रतिष्ठान धरान पठाइएको र बाँकीलाई जिल्ला अस्पताल धनकुटा ल्याइएको जिल्ला प्रहरी कार्यालय धनकुटाले जनाएको छ । उनीहरुको अवस्था सामान्य रहेको प्रहरीको भनाई छ ।
घाइतेमध्ये केहीको उपचार पछि डिस्चार्ज भइसकेको मुलघाट प्रहरी चौकीले जनाएको छ । अनियन्त्रित भई सडकबाट करिब ५० मिटर तल खसेको माइक्रो बस निकाल्ने प्रयास भइरहेको छ ।




















प्रतिक्रिया