Logo

अर्थ

चालु आवको आर्थिक वृद्धिदर ४.६१ प्रतिशत हुने प्रक्षेपण, प्रतिव्यक्ति आय १५१७ डलर पुग्ने अनुमान



काठमाडौं । चालु आर्थिक वर्ष २०८१/८२ मा ४.६१ प्रतिशतको आर्थिक वृद्धिदर प्राप्त हुने राष्ट्रिय तथ्यांक कार्यालयले अनुमान गरेको छ । कार्यालयले बुधबार एक कार्यक्रम आयोजना गर्दै राष्ट्रिय लेखा तथ्यांकको अनुमान सार्वजनिक गरेको हो ।

गत आर्थिक वर्षमा आर्थिक वृद्धिदर ३.६७ प्रतिशत रहेको थियो । त्यसअघि आर्थिक वर्ष २०७९/८० मा १.९८ प्रतिशत थियो।

यसैगरी गरी कार्यालयले चालु आर्थिक वर्षमा प्रतिव्यक्ति कुल राष्ट्रिय आय १ हजार ५१७ अमेरिकी डलर पुग्ने अनुमान गरेको छ । गत आर्थिक वर्ष प्रतिव्यक्ति आय १ हजार ४६७ अमेरिकी डलर थियो ।

गत आर्थिक वर्षको तुलनामा चालु आर्थिक वर्षमा प्रतिव्यक्ति आय ५० डलरले बढ्ने अनुमान गरिएको छ ।

प्रकाशित मिति : १७ बैशाख २०८२, बुधबार १६:२९   :  बजे

21
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।