Logo

अर्थ

नयाँ गभर्नरको नियुक्तिपछि राष्ट्र बैंकमा डेपुटी गभर्नरको जिम्मेवारी पुनः बाँडफाँट



काठमाडौं । नेपाल राष्ट्र बैंकमा नयाँ गभर्नरको नियुक्तिपछि डेपुटी गभर्नरहरूको जिम्मेवारी पुनः बाँडफाँट गरिएको छ ।  गभर्नर विश्वनाथ पौडेलले डेपुटी गभर्नरद्वय निलम ढुंगाना र बमबहादुर मिश्रबीच कार्यविभाजन गरेका हुन् ।

नयाँ कार्यविभाजनअनुसार निलम ढुंगानालाई बैंक तथा वित्तीय संस्था नियमन विभाग, गैरबैंकिङ वित्तीय संस्था सुपरिवेक्षण विभाग, लघुवित्त सुपरिवेक्षण विभाग, विदेशी विनिमय व्यवस्थापन विभाग, मुद्रा व्यवस्थापन विभाग, संस्थागत योजना तथा जोखिम व्यवस्थापन विभाग, सम्पत्ति तथा सेवा व्यवस्थापन विभाग र सूचना प्रविधि विभाग तथा प्रदेश कार्यालयको जिम्मेवारी दिइएको छ ।

त्यस्तै, बमबहादुर मिश्रलाई बैंक सुपरिवेक्षण विभाग, वित्तीय संस्था सुपरिवेक्षण विभाग, आर्थिक अनुसन्धान विभाग, मौद्रिक व्यवस्थापन विभाग, भुक्तानी प्रणाली विभाग, बैङ्किङ विभाग, मानव संसाधन व्यवस्थापन विभाग र वित्त व्यवस्थापन विभाग रहेका छन् ।

गभर्नरको कार्यालय भने गभर्नरमार्फत प्रत्यक्ष सञ्चालन हुने व्यवस्था गरिएको छ  ।

गभर्नर महाप्रसाद अधिकारीको कार्यकाल सकिएर निलम कायम मुकायम गभर्नर बनेपछि सबै विभागको जिम्मेवारी बमबहादुरलाई दिइएको थियो । नयाँ गभर्नर नियुक्त भएर आएपछि ढुङ्गाना डेपुटी गभर्नरमा फर्किएसँगै जिम्मेवारी बाँडफाँट गरिएको हो ।

प्रकाशित मिति : ९ जेष्ठ २०८२, शुक्रबार ११:३७   :  बजे

342
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।