Logo

प्रमुख समाचार

वैचारिक र राजनीतिक एजेन्डाको हिसाबले नेपालको संस्थापन पक्षमा भएको प्रचण्ड दाबी



काठमाडौँ । पूर्वप्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्डले आफ्नो पार्टी संसदीय संख्याको हिसाबले तेस्रो स्थानमा रहे पनि वैचारिक र राजनीतिक एजेन्डाको हिसाबले नेपालको संस्थापन पक्ष भएको दाबी गरेका छन् । उनले देशका प्रमुख दुई दल नेपाली कांग्रेस र नेकपा एमालेलाई हालको संविधान र व्यवस्थाको ुप्रतिपक्षुको संज्ञा दिएका छन् ।

सामाजिक सञ्जालमार्फत प्रचण्डले सङ्ख्यात्मक उपस्थितिले मात्र राजनीतिको मूलधार निर्धारण नहुने तर्क गरेका छन्। उनले सङ्घीय लोकतान्त्रिक गणतन्त्र, धर्मनिरपेक्षता, र उत्पीडित समुदायको अधिकार स्थापनामा माओवादीको नेतृत्वदायी भूमिका रहेकाले माओवादी नै संस्थापन पक्ष भएको जिकिर गरे।

उनले भनेका छन्– ुहामी अहिले कानुनी र सङ्ख्याको हिसाबले सदनमा तेस्रो स्थानमा छौँ । तर हाम्रो जतिसुकै सिट हुँदा पनि, अहिले ३२ सिट भए पनि वा पहिले २४० हुँदा पनि, अथवा अझै कम भएपनि आजको नेपाली राजनीति, सङ्घीय लोकतान्त्रिक गणतन्त्रको संविधान, महिला, दलित, आदिवासी, जनजाति, मजदुर, किसान, मधेसी, मुस्लिम सबै उत्पीडित समुदायको अधिकार र पहिचान स्थापना गर्ने हिसाबले नेपाली राजनीतिको संस्थापन पक्ष माओवादी नै हो । ु

प्रचण्ड थप भन्छन्– ुजतिसुकै सङ्ख्या भए पनि माओवादी संस्थापन हो भने कांग्रेस र एमाले प्रतिपक्ष हुन्, यो संविधान र लोकतान्त्रिक गणतन्त्रको आधिकारिक पक्ष होइनन् ।ु

प्रकाशित मिति : २५ असार २०८२, बुधबार ०९:२३   :  बजे

12
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।