काठमाडौं । काठमाडौं विश्वविद्यालय (केयू)को उपकुलपति नियुक्तिका लागि १० जना उम्मेदवारको सर्टलिस्ट सार्वजनिक गरिएको छ ।
छनोट तथा सिफारिस समितिले ३५ आवेदनमध्ये दयाराम पोखरेल, निरञ्जन पराजुली, बालचन्द्र लुइटेल, विकाश नकर्मी, बिमप्रसाद श्रेष्ठ, राजेन्द्र जोशी, विवेक बराल, शेषानन्द सन्जेल, सुवोध शर्मा र हरिप्रसाद न्यौपानेलाई सर्टलिस्टमा समावेश गरेको हो ।
समितिले उम्मेदवारबारे २० साउनभित्र राय–सुझाव मागेको छ । त्यसपछि २२ साउनमा १५ मिनेटको प्रस्तुतीकरण र अन्तर्वार्ता सञ्चालन गरिनेछ ।
तीन महिनादेखि नेतृत्वविहीन रहेको काठमाडौं विश्वविद्यालयमा अब एक साताभित्र नयाँ उपकुलपति नियुक्त गर्ने तयारी सरकारले गरेको छ ।
प्रतिक्रिया