काठमाडौं । नागढुंगा-नौबिसे सडक खण्ड भासिएको छ । नागढुंगा नजिकै पातले वनमा सडक भासिएको धादिङ सडक विभागले जनाएको छ ।
सडक विभागका इन्जिनियर अर्जुन प्रसाद अर्यालका अनुसार सडक भासिएपछि गाडी एकतर्फी रूपमा सञ्चालन गरिएको छ ।
यो रुट भएर आउने अन्य गाडीहरूलाई भने सुरुङमार्गबाट पठाउने तयारी भइरहेको उनको भनाइ छ ।
सडकको पुरानो पर्खाल (वाल) का कारण सडक भासिएको हुन सक्ने प्रारम्भिक अनुमान गरिएको छ । घटनाबारे थप यथार्थ कारण पत्ता लगाउन सडक विभागबाट खटिएको प्राविधिक टोली अहिले घटनास्थलमा पुगी अध्ययन गरिरहेको छ ।
प्रतिक्रिया