शनिबार फक्स न्युजसँग कुरा गर्दै ट्रम्पले क्रेडिट कार्ड कम्पनीहरूले अत्यधिक नाफा कमाइरहेको उल्लेख गर्दै ब्याजदर घटाउनुपर्ने बताएका हुन्। हाल अमेरिकामा क्रेडिट कार्डको औसत ब्याजदर २२.२ प्रतिशत छ।
यसअघि रिपब्लिकन सांसदको पर्याप्त समर्थन नपाउँदा रोकिएको प्रस्ताव अब अघि बढ्ने ट्रम्पको अपेक्षा छ। सिनेटर एलिजाबेथ वारेन, म्याक्सिन वाटर्स र रिपब्लिकन सिनेटर जोस हाउलीले पनि प्रस्तावलाई समर्थन गरेका छन्।
प्रस्ताव कार्यान्वयन भए उपभोक्ताले वार्षिक अर्बौं डलर बचत गर्न सक्ने अनुसन्धानकर्ताहरूको अनुमान छ। तर बैंक तथा क्रेडिट कार्ड कम्पनीहरूले ब्याजदरमा सीमा तोक्दा कम आय भएका र कमजोर ऋण इतिहास भएका ग्राहकले कार्ड पाउन कठिन हुने चेतावनी दिएका छन्।
अमेरिकी उपभोक्ता वित्तीय संरक्षण ब्यूरोका अनुसार सन् २०२४ मा करिब १९ करोड ५० लाख अमेरिकीले क्रेडिट कार्ड प्रयोग गरेका थिए। उनीहरूले ब्याजबापत १६० अर्ब डलर तिरेका थिए।
त्यस्तै, न्युयोर्क फेडरल रिजर्भका अनुसार सन् २०२५ को तेस्रो त्रैमासिकसम्म अमेरिकाको क्रेडिट कार्ड ऋण १२ खर्ब ३० अर्ब डलर पुगेको थियो।




















प्रतिक्रिया