आज तोलामा ६०० ले बढ्यो सुनको भाउ

नेपाली बजारमा बिहीवार पनि सुनको मूल्य उकालो लागेको छ । स्थानिय बजारमा अघिल्लो कारोबारको दिन अर्थात बुधवार ६०० ले बढेको सुनको भाउ बिहीवार पनि सोही अंकले बढेको हो ।

नेपाल सुनचाँदी व्यवसायी महासंघका अनुसार बिहीवार छापावाला सुन प्रतितोला ८६ हजार ८०० मा कारोबार भएको छ । बुधवार छापावाला सुनको मूल्य प्रतितोला ८६ हजार २०० मा कारोबार भएको थियो । बुधवारको तुलनामा बिहीवार छापावाला सुन प्रतितोला ६०० ले बढेको हो ।

त्यसैगरी, तेजाबी सुन प्रतितोला ८६ हजार ३५० मा कारोबार भएको छ । बुधवार तेजाबी सुन प्रतितोला ८५ हजार ७५० मा कारोबार भएको थियो ।

यस्तै, बिहीवार चाँदीको मूल्य पनि बढेको छ । बुधवार प्रतितोला  एक हजार २७० मा कारोबार भएको चाँदी बिहीवार प्रतितोला एक हजार २८५ खरीदविक्री भइरहेको छ । बुधवारको तुलनामा बिहीवार चाँदी १५रुपेँयाले बढेको हो ।