Logo

शेयर बजार

नियम विपरीत सेयर बेच्ने हिमालयन डिष्टिलरीकी पूर्व सञ्चालक शाहलाई ७५ हजार जरिवाना, १० वर्ष सिईओ हुन नपाउने



धितोपत्र बोर्ड (सेबोन)ले हिमालयन डिष्टिलरीकी पूर्व सञ्चालक रहिशा शाह श्रेष्ठलाई कारबाही गरेको छ । उनले नियम विपरीत सेयर बिक्रि गरेको पुष्टि भएपछि सेबोनले उनलाई कारवाही गरेको हो । सेबोनले उनलाई जरीवाना स्वरुप ७५ हजार रुपैया तिराउने निर्णय गरेको छ । साथै उनलाई धितोपत्र सम्बन्धि ऐन २०६३ को दफा १०८ बमोजिम अब कुनैपनि सूचिकृत संस्थाको १० वर्षसम्म सञ्चालक वा कार्यकारी प्रमुख हुन नपाउने गरी कारवाही गरीएको छ । 

पूर्व सञ्चालक शाहले नियम विपरित चैत ६ गते २ लाख १३ हजार १८३ कित्ता सेयर २७ करोड २६ लाख ९ हजार ८२ रुपैयाँ बराबरको धितोपत्र दलाल व्यवसायी श्री इन्भेस्टमेन्ट म्यानेजमेन्ट नेपाल प्रा.लि.बाट बिक्री गरेकी थिइन् ।

नेपाल स्टक एक्सचेन्जमा हिमालयन डिस्टिलरीको ५७ लाख ८४ हजार ६८३ कित्ता सेयर सूचिकृत छ । जसबाट उनले २ लाख १३ हजार १८३ कित्ता सेयर नियम विपरीत बिक्रि गरेकी  थिईन । उनले नियम अनुसार एकदिनमा ५ करोड रूपैयाँ भन्दा बढिको कारोबार गर्न नपाइने भएपनि २७ करोडको सेयर एकैदिन बिक्री गरेकी थिइन ।
उनले सञ्चालक समितिको सदस्यबाट नियम विपरीत व्यत्तिगत कारण देखाएर एक वर्ष पहिला नै राजीनामा दिएकी थिईन् । उनलको राजीनामा अघिल्लो वर्ष भदौ २५ गते सञ्चालक सकितिको बैठकले स्वीकृत गरिदिएको थियो । भने ३० गते नेप्सेमा जानकारी गराएको थियो । यसो त उनले राजीनामा दिएका १ वर्ष अर्थात भदौ २५ गतेसम्म आफ्नो नाममा रहेको सेयर बिक्रि गर्न पाउँदिनन् । 

यता सेबोनले ब्रोकर नेपाललाई धितोपत्र सम्बन्धी ऐन, २०६३ को दफा १०१ को उपदफा (६) विपरीत कारोबार गरेकोमा १ लाख ५० हजार रुपैयाँ जरिवाना गरेको जानकारी गराएको छ ।

 

प्रकाशित मिति : ८ आश्विन २०७७, बिहिबार  ११ : ३८ बजे