ब्राजिलको शानदार जित, हाईटिमाथि ३–० को सहज विजय

काठमाडौं । फिफा विश्वकप २०२६ अन्तर्गत समूह ‘सी’ को खेलमा ब्राजिलले हाईटिलाई ३–० ले पराजित गर्दै प्रतियोगितामा पहिलो जित दर्ता गरेको छ। फिलाडेल्फियामा शनिबार बिहान सम्पन्न खेलमा माथेउस कुन्हा र भिनिसियस जुनियर चम्किएका हुन्।

ब्राजिलको जितमा कुन्हाले पहिलो हाफमा दुई गोल गरे। उनले खेलको २३औँ मिनेटमा गोल गर्दै टोलीलाई अग्रता दिलाएका थिए भने ३६औँ मिनेटमा व्यक्तिगत दोस्रो गोल गर्दै अग्रता दोब्बर बनाए। त्यसपछि पहिलो हाफको इन्जुरी समयमा भिनिसियस जुनियरले गोल थपेपछि ब्राजिल ३–० को बलियो अवस्थामा पुगेको थियो।

दोस्रो हाफमा थप गोल हुन नसके पनि ब्राजिलले खेलभर दबाब कायम राख्दै हाईटिलाई अवसर सिर्जना गर्नबाट रोकेको थियो। प्रशिक्षक Carlo Ancelotti को टोलीले बल नियन्त्रण र आक्रमणमा स्पष्ट वर्चस्व देखाउँदै सहज जित हात पार्यो।

यस जितसँगै ब्राजिलले समूह चरणमा महत्वपूर्ण तीन अंक जोडेको छ। पहिलो खेलमा बराबरी खेलेको ब्राजिलका लागि यो जित नकआउट चरणको सम्भावना बलियो बनाउने नतिजाका रूपमा हेरिएको छ।

ब्राजिल ३–० हाईटि
⚽ माथेउस कुन्हा (२३’, ३६’)
⚽ भिनिसियस जुनियर (४५+३’)