Logo

कर्पोरेट फोकस

कर तिर्न विभागको ताकेता, म्याद बढाउन व्यावसायीको माग



सरकारले कोरोना भाइरस नियन्त्रणका लागि पछिल्लो समय निषेधाज्ञा जारी गरेको भएपनि आन्तरिक राजस्व विभागले भने कर तिर्न आग्रह गरेको छ । यद्यपी, लकडाउन समयमा कर नलिन सर्बोच्च अदालतले फैसला गरेको थियो ।

आन्तरिक राजस्व विभागले भने लकडाउन नभएको कारण करदाताले बुझाउनुपर्ने कर २५ भित्र तिर्न आग्रह गरेको छ । साउनमा व्यवसायीले बिक्री गरेर उपभोक्ताबाट उठाएको भ्याट रकम अनलाइन मार्फत बुझाउन सकिने हुँदा म्याद थप नहुँने राजस्व कार्यालयले जनाएको छ ।

असार मसान्तको तुलनामा साउनमा बिक्री त्यती ठूलो मात्रामा नभएको र केही वस्तुको बिक्री भएपनि बिल मात्र काटिएको र पैसा नउठेको स्थिती रहेको बताउँदै व्यवसायीहरु म्याद थप्न माग गरका हुन् ।

नेपाल चेम्बर अफ कमर्शले भने अर्थमन्त्रालयका राजस्व सचिवलाई पत्र लेखेर कर तिर्ने समय पर सार्न अनुरोध गरेको छ । निषेधाज्ञाको समयमा कर तिर्न सम्भव नभएको भन्दै यसलाई पर सार्न चेम्बरले अनुरोध गरेको हो ।

सरकारले जिल्ला प्रशासन कार्यालय मार्फत अहिले देशमा ७० प्रतिशतभन्दा बढी जिल्लामा निषेधाज्ञाको नाममा लकडाउनलागु गरेको छ । निषेधाज्ञामा पनि लकडाउनमा जस्तो सर्वसाधारणलाई घरबाट बाहिर जान अनुमति छैन । यस्तो अवस्थामा भदौ २५ भित्र सरकारलाई बुझाउनुपर्ने भ्याट तथा अन्तशुल्क बुझाउनुपर्ने हुन्छ ।

प्रकाशित मिति : भाद्र २१, २०७७ आईतबार  ६ : १५ बजे