थप १७ जनामा कोरोना संक्रमण, २१ डिस्चार्ज

काठमाडौं । पछिल्लो २४ घण्टामा देशभर थप १७ जनामा कोरोना भाइरस संक्रमण पुष्टि भएको छ । चार हजार १० वटा स्वाब नमुनाको परीक्षण गर्दा सो संख्यामा संक्रमण पुष्टि भएको हो ।

स्वास्थ्य तथा जनसंख्या मन्त्रालयका नुसार यही अवधिमा थप २१ जना संक्रमणमुक्त भएका छन् । हाल देशभर कोरोनाका सक्रिय संक्रमितको संख्या २०१ छ ।

अहिले २०० जना होम आइसोलेसनमा र एक संक्रमित आईसीयूमा उपचाररत रहेको मन्त्रालयले जनाएको छ ।