Logo

मुन्द्रेको कमेडी क्लबबाट दिपाश्री निरौला किन हटिन्



नेपालको चर्चित टिभी शो मुन्द्रेको कमेडी क्लबमा दिपाश्री निरौलालाई चर्चित नायिका करिश्मा मानन्धरले रिप्लेश गरेकी छिन् ।अहिलेसम्म कार्यक्रममा अध्यक्षता ग्रहण गर्दै आएकी दीपाश्री अबका श्रृंखलाहरुमा भने देखिने छैनन् । उनको सट्टामा करिश्माले कार्यक्रमको अध्यक्षता गर्नेछिन् ।

दीपाश्रीलाई रिप्लेश गर्नुको कारण खुलाइएको छैन । तर केही समय अघि दिपाश्रीले राजेश हमाल महानायक होइन भनेर दिएको अभिव्यक्तिका कारण विवादमा तानिएकी थिइन् । त्यही विवादका कारण प्रायोजक कम्पनीको दबाबमा दिपाश्रीलाई हटाईएको अनुमान गरिएको छ ।

तर दिपाश्रीले भने आफू शो को पहिलो सिजनको मात्र अध्यक्ष भएको प्रष्ट पारेकी छिन् । सामाजिक सञ्जाल फेसबुक मार्फत उनले पहिलो सिजन सकिएर दोस्रो सिजन सुरू हुन लागेको जानकारी गराउदै कार्यक्रममा धेरै परिवर्तनहरू गरिएको उल्लेख गरेकी छिन् ।

अप्रत्यक्ष रुपमा आफू शोबाट बाहिरिएको जानकारी गराउदै उनले पहिलो सिजन अवधिभर आफूलाई माया र समर्थन गर्ने शुभेच्छुकप्रति आभार व्यक्त गरेकी छिन् । दिपाश्रीले निकट भबिष्यमा फेरि टेलिभिजनको पर्दामा केहि फÞरक कार्यक्रमसहित उपस्थित हुने जानकारी समेत गराएकी छिन् ।

लकडाउपछि छायांकन बन्द भएको मुन्द्रेको कमेडी क्लब युवा पुस्ताका चर्चित कमेडियन जीतु नेपालले सञ्चालन गर्दै आएका छन् । मुन्द्रेको कमेडी क्लबको नयाँ एपिसोड हालै मात्र छायांकन गरिएको छ । अब प्रसारण हुने एपिसोडमा चर्चित पत्रकार ऋषि धमला र नायिका पत्नी एलिजा गौतमका साथमा अतिथिका रुपमा रहने बताइएको छ ।

प्रकाशित : १९ आश्विन २०७७, सोमबार