योगदानमा आधारित सामाजिक सुरक्षा कार्यक्रमको लगायतका विषयमा असहमति जनाउँदै एन आई सी एशिय बैंकका कर्मचारी पनि आन्दोलनमा उत्रिएका छन् ।
सामाजिक सुरक्षा कोष विवादित नै रहेको छ । देशमा बाहुल्यता रहेको बैंक तथा वित्तीय संस्थाहरू सामाजिक सुरक्षा कोषमा आबद्ध हुन मानेका छैनन् । यस अघि सिद्धार्थ बैंक, निबिल बैंक लगायता विभिन्न बैकंका कर्मचारीहरु पनि आन्दोलनमा उत्रिएका थिए ।
सामाजिक सुरक्षा कोषले वाणिज्य बैंकहरुको छाता संस्था बैंकर्स संघलाई पटक पटक दबाब दिँदै आएको छ । कोषका विभिन्न बुँदाहरू संशोधन गरेरै कोषले संघलाई दबाब दिइरहेको छ । संघलाई कोषले दिएको पछिल्लो दबाबपछि वित्तीय क्षेत्रमा आबद्ध संघसंस्थाको छाता संस्था नेपाल वित्तीय संस्था कर्मचारी संघले एक विज्ञप्ति जारी गर्दै सामाजिक सुरक्षा कोषमा आबद्ध नहुने बताएको थियो ।
यसैलाई आधार मानेर बैंकका कर्मचारीहरू धमाधम आन्दोलनमा उत्रिन थालेका छन् । सामाजिक सुरक्षा कोषमा बैंकका कर्मचारीलाई आबद्ध गराउने भए सरकारी कर्मचारी सरह सेवा सुविधा पनि दिनुपर्ने उनीहरूको माग रहेको छ ।
प्रतिक्रिया