काठमाडाैं । यस साताको पहिलो कारोबार दिन पनि सेयर बजारको ओरालो यात्राले निरन्तरता पाएको छ । गत साता गत साता २.२३ प्रतिशत अर्थात ४३.७८ अंक घटेर १९१७.२८ विन्दुमा झरेको थियो । यस साताको पहिलो दिन सेयर बजार मापक नेप्से परिसूचक ३१.९७ अंकले घटेर १८८५.३१ बिन्दुमा ओर्लिएको छ ।
यता ठूला तथा बलिया कम्पनीको कारोबार मापक सेन्सेटिभ परिसूचक पनि ६.२८ अंकले घटेर ३६७.३६ बिन्दुमा झरेको छ ।
आइतबार २५३ कम्पनीको ३५ लाख १२ हजार ८३४ कित्ता सेयर खरिदबिक्री भयो । आज एक अर्ब १० करोड ३४ लाख ४ हजार रुपैयाँको कारोबार भएको नेप्सेले जनाएको छ ।
यसदिन कारोबार भएकामध्ये २५ कम्पनीको मात्र सेयर मूल्य बढेको छ, भने १८० कम्पनीको सेयरमूल्य घटेको छ । ३ कम्पनीको सेयर मूल्यमा भने कुनै परिवर्तन आएको छैन ।
आज सिवाईसी नेपाल लघुवित्त र समिट लघुवित्तकोइ सेयर मूल्यमा सकारात्मक सर्किट लागेको छ । त्यसैगरी, मैलुङ खोला जलविद्युत, धौलागिरी हाइड्रोपावर, ग्लोबल आईएमई ब्यालेन्स्ड फण्ड लगायत कम्पनीका लगानीकर्ताले सर्वाधिक नाफा कमाएका छन् ।
यता, नाडेप लघुवित्तको सेयर मूल्यमा भने नकारात्मक सर्किट लागेको छ । कम्पनीको सेयर मूल्य १० प्रतिशतले घटेर ७०१ रुपैयाँ ४० पैसा कायम भएको छ । आज शिवम् सिमेन्टको सर्वाधिक कारोबार भएको छ । कम्पनीको १० करोड ९३ लाख ६७ हजार रुपैयाँको सेयर किनबेच भएको छ ।




















प्रतिक्रिया