Logo

अर्थ

सेयर बजारमा उछाल, नेप्से परिसूचकसँगै कारोबार रकम पनि बढ्यो



काठमाडौं । नयाँ सरकार निर्माणसँगै उकालो लागेको सेयर बजारमा आज (मंगलबार) पनि उत्साह देखिएको छ । अर्थमन्त्रीमा विष्णु पौडेल नियुक्त भएको दोस्रो दिन मंगलबार पनि सेयर बजार झन्डै ५० अंकले उकालो लागेको छ ।

आज कारोबार रकम र परिसूचक दुवैले छलाङ मारेको छ । परिसूचक नेप्से ५९.८७ अंकले बढ्यो । सो अंकको वृद्धिपछि नेप्से १९८३ अंकमा कायम भएको छ ।यसअघि

सोमबार नेप्से ५६ अंकले बढेको थियो । कारोबार रकम पनि अघिल्लो दिनको तुलनामा झण्डै दोब्बर भएको छ । सोमबार २ अर्ब ९ करोडको कारोबार भएकोमा मंगलबार ३ अर्ब ८८ करोडको धितोपत्र किनबेच भयो ।

२०२ कम्पनीको मूल्य बढ्दा ८ को घट्यो भने २ को स्थिर रहृयो । सबै उपसमूहहरु बढेका छन् । बैंकिङ ३५, विकास बैंक १००, फाइनान्स ६७, होटल तथा पर्यटन ११७, जलविद्युत् ९५, जीवन बीमा ३७२, उत्पादन ७२, माइक्रोफाइनान्स ५५, निर्जीवन बीमा २८३, अन्य ३७ र व्यापार उपसमूह ५३ अंक बढे । ८ कम्पनीको मूल्य १० प्रतिशत हाराहारीमा बढेको छ ।

सिद्धार्थ इन्स्योरेन्स, मल्टिपर्पोज फाइनान्स, अजोड इन्स्योरेन्स र सिर्जनशील लघुवित्तको मूल्य १० प्रतिशत बढ्यो । धौलागिरि लघुवित्त, कालिका पावर, तेह्रथुम पावर र निफ्राको मूल्य पनि करिब १० प्रतिशत (साढे ९ प्रतिशतभन्दा धेरै) बढ्यो । आज लक्ष्मी बैंक, नेपाल टेलिकम, हिमालयन डिस्टिलरी, नबिल बैंक र एनआईसी एसिया बैंकका धेरै कारोबार भए ।

प्रकाशित मिति : १२ पुष २०७९, मंगलवार १५:३०   :  बजे

45
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।