Logo

बैंकिंग

कल डिपोजिटमा न्यूनतम ब्याजदरको ५० प्रतिशतभन्दा बढी दिन नमिल्ने



नेपाल राष्ट्र बैंकले कम समयका अवधिका लागि निक्षेप राख्ने निक्षेप (कल डिपोजिट) मा दिने न्यूनतम ब्याजदरको ५० प्रतिशतभन्दा बढी ब्याज दिन नमिल्ने व्यवस्था गरेको छ । नेपाल राष्ट्र बैंकले ‘क’, ‘ख’ र ‘ग’ वर्षका बैंक तथा वित्तीय संस्थालाई जारी गरिएको एकीकृत निर्देशनमा यस्तो व्यवस्था गरेको हो ।

राष्ट्र बैंकले माग तथा अल्प सूचनामा आधारित निक्षेप (कल डिपोजीट)मा बचत निक्षेपमा प्रदान गरिने न्यूनतम ब्याजदरको ५० प्रतिशतभन्दा बढी ब्याज प्रदान गर्न नपाइने व्यवस्था गरेको हो । यस्ता खाताहरुमा चेक जारी गर्न पनि पाँइदैन । 

कल डिपोजिट तथा संस्थागत मुद्घती निक्षेप बाहेक अन्य निक्षेपको हकमा प्रकाशित ब्याजदरमा ०.५ प्रतिशत बिन्दुसम्म बढाउन सकिने छ ।

यसअघिको व्यवस्थामा माग तथा अल्प सूचनामा आधारित निक्षेप (कल डिपोजीट) मा बचत निक्षेपमा प्रदान गरिने न्यूनतम ब्याजदर भन्दा बढी ब्याज प्रदान गर्न नपाइने व्यवस्था रहेको थियो ।

प्रकाशित : २४ भाद्र २०७७, बुधबार