Logo

अर्थ

फुडमाण्डुमा शनिबार डिजिटल भुक्तानी गर्दा सानीमा बैंकले दिन्छ तीन सयसम्म ‘क्यासब्याक’



काठमाडौँ । सानिमा बैंकले आफ्ना ग्राहकहरुलाई डिजिटल बैंकिङ्गका माध्यमहरु प्रयोग गरी डिजिटल भुक्तानी गर्दा तीन सय रुपैयाँसम्म क्यासब्याक अर्थात पैसा फिर्ता दिने भएको छ ।

शनिबार फुडमाण्डुमा डिजिटल भुक्तानी गर्दा बैंकले तीन सय रुपैयाँसम्म पैसा फिर्ता दिने बताएको हो । उक्त व्यवस्था अन्तर्गत सानिमा भिसा डेबिट/क्रेडिट कार्ड र सानिमा मोबाइल बैंकिङ्ग एप प्रयोगकर्ताहरुले योजना अवधिभर प्रत्येक शनिबार फुडमाण्डुमा डिजिटल भुक्तानी गर्दा क्यासब्याक प्राप्त हुनेछ । सानिमा मोबाइल बैंकिङ्ग एप प्रयोगकर्ताहरुले क्युआर स्क्यान गरी भुक्तानी गर्दा १५ प्रतिशत वा अधिकतम रु. २०० सम्म, सानिमा भिसा डेबिट कार्ड प्रयोगकर्ताहरुले १५ प्रतिशत वा अधिकतम रु. ३०० सम्म तथा सानिमा भिसा क्रेडिट कार्ड प्रयोगकर्ताहरुले २० प्रतिशत वा अधिकतम रु. ३०० सम्मको क्यासब्याक पाउन सक्ने व्यवस्था रहेको बैंकले जनाएको छ ।

ग्राहकहरुले उक्त भुक्तानी भएको एक हप्ता भित्र क्यासब्याक प्राप्त गर्नेछन् । यो योजना २० श्रावण, २०८० देखि २० माघ, २०८० गतेसम्म प्रत्येक शनिबारका लागि लागू हुने बैंकले जनाएको छ ।

प्रकाशित मिति : १९ श्रावण २०८०, शुक्रबार १५:०३   :  बजे

24
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।