काठमाडौं । चिकित्सा शिक्षा आयोग उपाध्यक्ष पदमा नियुक्तिका लागि दरखास्त आह्वान भएको छ ।
चिकित्सा क्षेत्रमा विशिष्ट योगदान पुर्याएकाहरूले दरखास्त दिन सक्नेछन् । आयोग उपाध्यक्ष नियुक्तिका लागि नाम सिफारिस गर्न गठित सिफारिस समितिले शुक्रबार सूचना निकालेर दरखास्त आह्वान गरेको हो ।
उम्मेदवार छनौटसम्बन्धी कार्यविधिअनुसार दरखास्त परेकामध्ये ३ जनाको नाम सिफारिस समितिले नेपाल सरकारसमक्ष सिफारिस गर्नेछ ।
१५ दिनभित्र दरखास्त सिफारिस समिति कार्यालय शिक्षा, विज्ञान तथा प्रविधि मन्त्रालयमा पेश गर्न पनि समितिले आग्रह गरेको छ । यससम्बन्धी सूचना शिक्षा मन्त्रालयको वेबसाइटमा पनि राखिएको छ ।
प्रतिक्रिया