काठमाडौं । नेपाल शिक्षक महासंघले आजदेखि काठमाडौंंमा आन्दोलन गर्ने भएको छ ।
शिक्षा विधेयकप्रति असन्तुष्टि जनाउँदै महासंघले आजदेखि काठमाडौं केन्द्रित सडक आन्दोलन गर्न लागेको हो ।
महासंघले आन्दोलनमा सहभागी हुन बुधबार बिहान ११ बजे माइतीघर मण्डला सहभागी हुन शिक्षकहरूलाई आग्रह गरेको छ ।
महासंघले विभिन्न १८ बुँदे असहमति राखेको छ ।
महासंघको आन्दोलनले देशभरको पठनपाठन प्रभावित बन्ने भएको छ ।
विद्यालय शिक्षालाई स्थानीय तह मातहत राखेकोमा प्रस्तावित विधेयकप्रति शिक्षकहरूको आपत्ती छ ।
शिक्षकको नियुक्ति, सरुवा, बढुवालगायतको भूमिका जिल्ला शिक्षा कार्यालयलाई दिनुपर्ने र केही भूमिका प्रदेश तहमार्फत राखिनुपर्ने महासंघको माग छ ।
साथै, प्रस्तावित विधेयकले अस्थायी शिक्षकको स्थायित्व, विद्यालय कर्मचारीको दरबन्दी सिर्जना, विद्यालय संरचनाबाहिर रहेका बालकक्षा शिक्षकहरूको सवालमा ध्यान दिन नसकेको आरोप महासंघको छ ।
प्रतिक्रिया