काठमाडौं । पूर्वउपप्रधानमन्त्री समेत रहेका राप्रपा नेपालका अध्यक्ष कमल थापाले आमसञ्चार माध्यममाथि गम्भीर आरोप लगाएका छन् ।
बिहीबार सामाजिक सञ्जालमा लेख्दै थापाले आमसञ्चार माध्यमहरुले स्वाभिमान र आत्मसम्मानलाई विदेशीको पैसासँग साटी रहेको तथा निहित स्वार्थको लागि विदेशी सामु आत्मसमर्पण गरेको आरोप लगाएका हुन् ।
‘राजा प्रतिको मेरो गुनासो, असन्तुष्टी आफ्नो ठाउँमा छ । तर, जब देशका प्रमुख राजनीतिक दलका शीर्षनेताहरू र कतिपय चल्तिका आमसञ्चार माध्यमहरु समेत आफ्नो स्वाभिमान र आत्मसम्मानलाई विदेशीको पैसासँग साटी रहेको तथा निहित स्वार्थको लागि विदेशी सामु आत्मसमर्पण गरेको देख्छु, म अत्यन्त चिन्तित हुन्छु । अनि नेपालमा राजसंस्थाको अपरिहार्यता महसुस गर्दछु ।’ थापाले फेसबुकमा लेख्दै भनेका छन् ।
राप्रपाको अध्यक्षमा पराजित भएपछि पूर्वराजा ज्ञानेन्द्र शाहसँग आक्रोसित बन्दै राप्रपा त्यागेर राप्रपा नेपाल पुनः स्थापना गरेका थापा हालै पुनः राजतन्त्रको अजेन्डामा फर्किएर राजतन्त्रको पक्षमा वकालत गरिरहेका छन् ।
राजा प्रतिको मेरो गुनासो,असंतुष्टी आफ्नो ठाउँमा छ।तर,जब देशका प्रमुख राजनीतिक दलका शीर्षनेताहरू र कतिपय चल्तिका आमसंचार माध्यमहरु समेत आफ्नो स्वाभिमान र आत्मसम्मानलाई बिदेशीको पैसासँग साटी रहेको देख्छु,म अत्यन्त चिन्तित हुन्छु।
अनि नेपालमा राजसंस्थाको अपरिहार्यता महसुस गर्दछु।— Kamal Thapa (@KTnepal) September 21, 2023
प्रतिक्रिया