साउदीमा अलपत्र नेपाली श्रमिकहरुलाई स्वदेश फिर्तीको व्यवस्था गर्न एनआरएनएको माग

दोहा । साउदी अरबमा अलपत्र परेका नेपाली श्रमिकहरुको सहजरूपमा स्वदेश फिर्तीको व्यवस्था गर्न एनआरएनए नेपाली दूतावासलाई आग्रह गरेको छ ।

श्रमिकले चाहेर पनि विभिन्न कारणले नेपाल फर्कन नपाएका हजारौँ नेपालीहरूले सास्ती भोग्नु परेको भन्दै एनआरएनए साउदीले नेपाली दूतावासलाई ज्ञापनपत्र बुझाएको छ ।

स्वदेश फर्कने यात्रुहरुको सहज रुपमा हवाई टिकट उपलब्ध हुन नसक्दा रोजगारी गुमाएका नेपाली श्रमिकहरु थप पीडामा रहेको भन्दै तत्काल स्वदेश फिर्तीका लागि सहजीकरण गर्न दूतावासालाई आग्रह गरिएको एनआरएनए मध्यपूर्व सहसंयोजक राजेन्द्र अर्यालले जानकारी दिए ।

दैनिक उडान हुन् नसक्दा साउदीमा नेपाली श्रमिक अलपत्र पर्ने क्रम बढकाले उडान संख्या थप्न प्रबन्ध गर्न आग्रह गरिएको उनले जानकारी दिए ।

साउदीको रियादस्थित साउदी मेनपावर सेर्विसेस कम्पनी “समास्को” मा केही दिनअघि स्वदेश नफर्काएको भन्दै नेपाली श्रमिकहरुले नेपाल सरकार तथा नेपाली दूतावासविरुद्ध नाराबाजी गरेका थिए ।