Logo

प्रमुख समाचार

रविको बयान सकियो, थुनछेक बहस आज नहुने



बुटवल । रुपन्देही जिल्ला अदालतमा राष्ट्रिय स्वतन्त्र पार्टीका सभापति रवि लामिछानेको बयान सकिएको छ । न्यायाधीश पल्हादकुमार योगीको इजलासमा रविको बयान सम्पन्न भएको हो ।

अदालतका सूचना अधिकारी अनन्तराज मरासिनीका अनुसार बयान प्रक्रिया मात्र सम्पन्न भएको कारण आज थुनछेक बहस नहुने बताए ।

पूर्वगृहमन्त्री रवि लामिछानेविरुद्ध सहकारी ठगीको मुद्दामा बयान लिइएको हो । लामिछानेलाई बुटवलको सुप्रिम सहकारीको बचत ठगी आरोपमा आइतबार रुपन्देही अदालतमा पूरक अभियोग दर्ता गरिएको थियो ।

यसअभियोगमा लामिछानेसँगै छविलाल जोशी, जीबी राई लगायत १४ जनाविरुद्ध पूरक अभियोग दर्ता भएको छ । यसअघि दर्ता भएका २८ जनासहित कुल ४२ जनाविरुद्ध जिल्ला अदालतमा मुद्दा दर्ता गरिएको छ ।

लामिछाने बयानका लागि मंगलबार भैरहवा आएका थिए ।

 

प्रकाशित मिति : माघ ९, २०८१ बुधबार  ४ : ५२ बजे

126
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई [email protected] मा लेखी पठाउनुहोला ।