Logo

राजनीति

तरुण दल धादिङले बुझायो केन्द्रीय कार्यालयमा पूर्णकालिन फारम



काठमाडाैं । नेपाल तरुण दल धादिङ जिल्ला कार्यसमितिले आफ्नो पुर्णकालिन फाराम केन्द्रीय कार्यालयमा बुझाएको छ । केन्द्रीय कार्यालयको रवि भवनमा दलका मुख्यसचिव ठानप्रसाद पोखरेललाई धादिङ जिल्लाका अधिवेशन संयोजक तथा तरुण दल केन्द्रीय सदस्य गोपाल विश्वकर्माले उक्त फाराम बुझाएका हुन् ।

नेपाल तरुण दलको महाधिवेशन निर्देशन समितिको बैठकले अध्यक्ष गुरुङको निर्णयअनुसार २०८१/०९/१२ गते तत्कालिन जिल्ला अध्यक्षलाई जिल्ला अधिवेशन संयोजकको जिम्मेवारी दिएको थियो। त्यस्तै, २०८१/१०/३० को केन्द्रीय समितिको बैठकमा दलको पाँचौं महाधिवेशन सम्पन्न गर्नका लागि २०८१/११/०२ गते सम्पूर्ण जिल्लालाई पुर्णकालिन फाराम भरी केन्द्रमा पठाउन निर्देशन दिइएको थियो।

तरुण दलको संशोधित विधानअनुसार कुनै सदस्यको उमेर हद पैंतालीस (४५) वर्ष भन्दामाथि भएका कारण फाराम केन्द्रले पुनः जिल्लामा पठाउनेछ । त्यसपछि सो जिल्लाको अधिवेशन प्रक्रिया सुचारु हुनेछ ।

मुख्यसचिव पोखरेलका अनुसार सबै जिल्लाबाट पुर्णकालिन फाराम केन्द्रीय कार्यालयमा आइपुग्ने अन्तिम तयारीमा रहेकाे जानकारी दिए । फाराम सबै जिल्लाबाट प्राप्त भएपछि दलको केन्द्रीय समितिको बैठक छिट्टै बस्ने र महाधिवेशनको तालिका सार्वजनिक हुने बताइएको छ ।

प्रकाशित मिति : १० चैत्र २०८१, आईतवार १२:०९   :  बजे

102
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।