भिजिट भिसा प्रकरणमा रास्पवाको ५ बुँदे प्रस्ताव

काठमाडौं । भिजिट भिसा प्रकरणमा राष्ट्रिय स्वतन्त्र पार्टी(रास्वपा)ले सहमतिका लागि छानबिन समिति बनाउन ५ बुँदे प्रस्ताव पठाएको छ । संसदमा केही दिनदेखि देखिएको गति अवरोध फुकाउन उक्त प्रस्ताव रास्वपाले ५ बुँदे प्रस्ताव पठाएको हो ।

रास्वपाले प्रधानमन्त्रीमार्फत आउने सरकारको प्रतिबद्धताको अनुगमनका लागि लेजिस्लेटिव ओभरसाइट ग्रूप बनाउने प्रस्ताव गरेको हाे ।

‘अख्तियार दुरुपयोग अनुसन्धान आयोगको प्रत्यक्ष संवैधानिक क्षेत्राधिकारमाथि अतिक्रमण नगरी विगत केही वर्षहरूमा भिजिट भिसा प्रकरणका नाममा भएको मानिस तस्करी र सङ्गठित अपराधमा सरकारी संयन्त्र, ट्राभल एजेन्सी, म्यानपावर कम्पनी, एयरलाइन्स र नेपाली तथा विदेशी नियोगहरूको संलग्नता भएको आशङ्का हुँदा यसको व्यापक र बहुआयामिक अनुसन्धान गर्न पाँच दिनभित्र उच्चस्तरीय छानबिन समिति गठन गर्ने, जसले तालिकासहित सम्माननीय प्रधानमन्त्रीमार्फत आएको सरकारी प्रतिबद्धताको अनुगमन गर्न सर्वपक्षीय सांसदहरू सर्वसम्मत लेजिस्लेटिव ओभरसाइट ग्रूप (Legislative Oversight Group) को रूपमा कामगर्ने, त्यहाँ भनिएको छ।

यसअघि सरकारले उक्त प्रकरणमा छानबिन समिति बनाउने प्रतिबद्धता जनाउने तर, अहिलेका लागि संसद् खुलाएर जानुपर्ने प्रस्ताव गरेको थियो। यसपछि रास्वपाले काउन्टर प्रस्ताव गरेको हो ।