सोमपाल र गुल्सनले स्कटल्यान्ड भ्रमणका बाँकी सबै खेल गुमाउने

काठमाडौं । स्कटल्याण्डमा जारी आईसीसी विश्वकप लिग २ एकदिवसीय श्रृंखलामा सहभागिता जनाइरहेका दुई नेपाली खेलाडीहरूले चोटका कारण बाँकी खेलहरू गुमाउने भएका छन् ।

प्रशिक्षण सत्रका क्रममा सोमपाल कामी र गुल्शन झा घाइते भएपछि लिग २ मा आजै हुने नेदरल्याण्ड्ससँगको ओडिआई र त्यसपछि सुरु हुने टी२०आई शृंखला गुमाउने भएका हुन् ।

नेपाल क्रिकेट संघका अनुसार सोमपाल कामीको दायाँ हातमा र गुल्शन झाको घुँडामा चोट लागेको छ ।