Logo

प्रमुख समाचार

निलो रिबन लगाएर संसद् छिरेका रास्वपा सांसदलाई बैठकबाट निष्कासन गर्न कांग्रेसको माग



काठमाडौं । राष्ट्रिय स्वतन्त्र पार्टी (रास्वपा)का सांसदहरूले जथाभावी ड्रेस लगाएर संसद् भवन प्रवेश गरेको भन्दै सत्तारुढ दल नेपाली कांग्रेसले निष्कासनसम्मको माग गरेको छ ।

सोमबार प्रतिनिधिसभा बैठकमा रास्वपाका सांसदहरूले निलो रिबन लगाएर संसद् बैठकमा आएपछि कांग्रेस प्रमुख सचेतक श्याम घिमिरेले प्रतिनिधिसभा नियमावलीको नियम ३० अन्तर्गत नियमापत्ति गरेका हुन् ।

‘यो संसद्‌मा मर्यादित पोशाकमा आउनुपर्छ भनिएको छ । यो नियमावलीमा गरिएको व्यवस्था हो । यो संसद्मा केही माननीय सदस्यले जुन स्कार्फ लगाउँदै आउनुभएको छ, यो मर्यादित पोशाकभित्र पर्छ कि पर्दैन ?,’ घिमिरेले भनेका छन् ।

उनले यस्ता ड्रेसलाई संसद्को मर्यादाभित्र पर्ने वा नपर्ने भन्दै सभामुख देवराज घिमिरेलाई प्रश्न गरे । ‘यसरी भोलि कोही हाफ पाइन्ट मात्रै लगाएर आउने, भोलि जथाभावी ड्रेस लगाएर आउने हो भने त्यसलाई संसद्को मर्यादाभित्र राख्ने कि नराख्ने ?,’ उनले भनेका छन्, ‘यस्तो किसिमको व्यवहार गर्ने माननीय सदस्यले सभामुखले चेतावनी र संसद्बाट निष्कासन गर्ने कारबाही पनि आवश्यक छ भन्ने म ध्यानाकर्षण गर्न चाहन्छु ।’

प्रकाशित मिति : ३ असार २०८२, मंगलवार १४:५२   :  बजे

93
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।