Logo

अर्थ

बैंककमा पनि मनाइयो २१२औँ भानु जयन्ती



काठमाडौं । २१२ औँ भानु जयन्तीको विशेष अवसर पारेर आज आइतबार नेपाली राजदूतावास, बैंककले थाइल्याण्डमा क्रियाशील रहेका विभिन्न नेपाली सामाजिक संघ–संस्थाहरूको संयुक्त सहकार्यमा दोस्रो भानु जयन्ती कार्यक्रम आयोजना गरेको छ ।

कार्यक्रममा बालबालिकाहरूको कविता प्रतियोगिता तथा अन्य स्रष्टाहरूको कविता तथा रामायण वाचनहरू समावेश गरिएको थियो।

कार्यक्रममा थाइल्यान्डका नेपाली समुदायका प्रतिनिधिहरू, सङ्घसंस्थाका पदाधिकारीहरू, अभिभावक, साहित्यकार तथा बालबालिकाहरू लगायत १५० जना भन्दा बढीको सहभागिता रहेको थियो।

कार्यक्रमको उद्घाटन नेपाली राजदूतावास, बैंककका महामहिम राजदूतले दीप प्रज्वलन तथा भानुभक्त आचार्यको तस्बिरमा माल्यार्पण गरी गरेका थिए। प्रतियोगितात्मक कविता वाचनमा बालबालिकाहरूले भाग लिएका थिए ।

प्रतिस्पर्धामा भाग लिएका बालबालिकाहरूलाई नगद पुरस्कार तथा भानुभक्तको रामायण र वाल साहित्यका पुस्तकहरू पुरस्कार र प्रमाणपत्र वितरण गरिएको थियो ।

कार्यक्रममा थाइल्यान्डका लागि नेपाली राजदूत धनबहादुर वलीले नेपाली भाषा, भानुभक्त, निजको नेपाली भाषामा योगदान र यसको अहिलेसम्मको सान्दर्भिकताको चर्चा गरेका थिए ।

२१२ औँ भानु जयन्तीको अवसरमा आयोजित दोस्रो भानु जयन्ती कार्यक्रमले नयाँ पुस्तामा नेपाल, नेपाली भाषा, संस्कृति तथा नेपाली साहित्यको चेतना जगाउन, मातृभाषाको सम्मान बढाउन, र थाई नेपाली समुदायमा भातृत्व अभिवृद्धि गर्न समेत योगदान दिएको छ।

प्रकाशित मिति : २९ असार २०८२, आईतवार २०:१४   :  बजे

15
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।