Logo

अर्थ

बैंकिङ क्षेत्र सुधार सुझाव कार्यदलले बुझायो प्रतिवेदन



काठमाडौं । बैंकिङ क्षेत्र सुधार सुझाव कार्यदलले प्रतिवेदन बुझाएको छ । बैंकिङ क्षेत्रको समग्र सुधार र सुदृढीकरणका लागि सुझाव पेश गर्ने उद्देश्यले गठन भएको कार्यदलले एक महिनामा प्रतिवेदन तयार पारि नेपाल राष्ट्र बैंकका गभर्नर विश्वनाथ पौडेललाई प्रतिवेदन बुझाएको हो ।

डा. रेवतबहादुर कार्कीको संयोजकत्वमा बनेको कार्यदलमा नेपाल बैंकर्स संघका पूर्व अध्यक्ष भुवनकुमार दाहाल सदस्य र नेपाल राष्ट्र बैंकको बैंक तथा वित्तीय संस्था नियमन विभागका कार्यकारी निर्देशक गुरु प्रसाद पौडेल सदस्य सचिव रहेका थिए ।

कार्यदलले मौद्रिक नीति आउनुअघि अर्थात् २४ असारमा प्रारम्भिक प्रतिवेदन बुझाएको र त्यसमा समेटिएका थोरै विषयहरु मौद्रिक नीतिमा परेको बताइएको थियो । यही प्रतिवेदनलाई अन्तिम रुप दिएर सोमबार कार्यदलले गभर्नरको हातमा जिम्मा लगाएको हो ।

बैंकिङ क्षेत्रको आमूल स्वरुप नै बदल्नुपर्ने खालका सुझावहरु समेटेर उक्त कार्यदलले प्रतिवेदन बुझाएको छ । त्यसमा अहिले देखिएका कयौँ समस्याहरुको हल खोज्ने कोसिस गरिएको राष्ट्र बैंकका अधिकारीहरुले बताएका छन् ।

प्रकाशित मिति : ३१ असार २०८२, मंगलवार ११:५२   :  बजे

18
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।