Logo

अर्थ

मध्य भोटेकोशी जलविद्युत आयोजना निरीक्षणमा कार्यकारी निर्देशक शाक्य



काठमाडाैं । नेपाल विद्युत प्राधिकरणका कार्यकारी निर्देशक हितेन्द्रदेव शाक्यले १०२ मेगावाट क्षमताको मध्य भोटेकोशी जलविद्युत आयोजना निरीक्षण गर्दै परियोजना उत्पादन तयारी अवस्थामा राख्न निर्देशन दिएका छन् ।

निर्देशक शाक्यले आयोजना अन्तर्गतको ७.२ किलोमिटरको सुरूङमा पानी चुहिने नचुहिने सुनिश्चित गर्न निर्देशन दिएका छन् ।

यसका साथै पावरहाउस लगायतका सबै पूर्वधारहरू भोटेकोशीमा आउन सक्ने बाढीबाट प्रभावित नहुने गरी आवश्यक व्यवस्थ गर्न समेत निर्देशन दिए । उनले पावर हाउस तथा अन्य संरचनाहरूलाई बाढीबाट जोगाउने गरी तयार गर्न निर्देशन दिए ।

आयोजनाले वार्षिक ५४ करोड २२ लाख युनिट विद्युत उत्पादन गर्ने लक्ष्य राखेको छ । आयोजना निर्माणको काम केही महिना अघि नै सम्पन्न भए पनि प्रसारण लाइनको टुंगो नलागेका कारण उत्पादन सुरू भएको थिएन ।

सुरूमा बाह्रविसे–लप्सिफेदी प्रसारण लाइनबाट विद्युत प्रणालीमा जोडने लक्ष्य भए पनि स्थानीयहरूसँग सहमति हुन नसके पनि लामोसाँघुतर्फ बाट ल्याउने प्रयास भएको थियो ।

त्यहाँ समेत सम्भव नभपछि प्राधिकरणकै स्वामित्वमा रहेका न्यू खिम्ती ४०० केभी सबस्टेशन हुँदै ढल्केवर प्रसारणलाइनमार्फत् राष्ट्रिय प्रसारण प्रणालीमा जोडन लागिएको हो ।

 

प्रकाशित मिति : १६ श्रावण २०८२, शुक्रबार १४:४१   :  बजे

30
Shares

अनलाइनपाना डटकममा प्रकाशित सामग्रीबारे कुनै सूचना, गुनासो, तथा सुझाव भए हामीलाई onlinepana@gmail.com मा लेखी पठाउनुहोला ।