एजेन्सी । एयर इन्डियाले आफ्नो दिल्ली–वासिङ्टन डीसी उडान बन्द गर्ने निर्णय गरेको छ। यो सेवा सेप्टेम्बर १, २०२५ देखि बन्द हुनेछ ।
एयर इन्डियाले आफ्ना २६ थान बोइङ ७८७९८ विमानहरूको स्तरोन्नति गर्दै छ जसका कारण धेरै विमानहरू लामो दूरीको उडानहरूको लागि उपलब्ध हुने छैनन् ।
यो काम २०२६ को अन्त्यसम्म जारी रहनेछ। उता, पाकिस्तानको हवाई क्षेत्र बन्द छ, जसले गर्दा लामो दूरीको उडानहरूमा समस्या भइरहेको छ ।
एयर इन्डियाले सेप्टेम्बर १, २०२५ पछि बुकिङ गरेका यात्रुहरूलाई सम्पर्क गर्ने र अर्को उडानमा पुनः बुकिङ गर्ने वा पूर्ण फिर्ता पाउने विकल्प दिइने बताएको छ। यो सेवा बन्द भए पनि यात्रुहरूले एयर इन्डियाको इन्टरलाइन साझेदार मार्फत न्यूयोर्क, सिकागो र सान फ्रान्सिस्को हुँदै वासिङ्टन डीसी यात्रा गर्न सक्नेछन् ।
गएको १२ जुन मा अहमदाबादमा एयर इन्डियाको विमान दुर्घटनाग्रस्त भएको थियो। यस दुर्घटनामा विमानमा सवार २४२ जनामध्ये २४१ जना र जमिनमा १९ जनाको मृत्यु भएको थियो ।
यस घटनापछि कम्पनीले विमानहरूको जाँच र स्तरोन्नति गर्ने प्रक्रिया जारी राखेको छ ।
प्रतिक्रिया